VEDIC EDUCATION
സാര്‍വ്വത്രികവിദ്യാഭ്യാസം -- വേദകാലഘട്ടത്തില്‍ ജാതിയുടെയോ ലിംഗത്തിന്റെയോ പേരില്‍ ആര്‍ക്കും വിദ്യാഭ്യാസം നിഷേധിച്ചിരുന്നില്ല. പെണ്‍കുട്ടികളെ ഗൃഹങ്ങളില്‍ വച്ച് തന്നെ പഠിപ്പിച്ചു. പക്ഷേ വൈകല്യമോ ബുദ്ധിമാന്ദ്യമോ ഉള്ളവര്‍ക്ക് വിദ്യാഭ്യാസം ലഭിച്ചിരുന്നില്ല. ശുദ്ര ജാതിയില്‍പ്പെട്ടവര്‍ക്ക് വിദ്യാഭ്യാസം നിഷേധിച്ചിരുന്നു.
ഗൂരുകുലസമ്പ്രദായം -- ശിഷ്യന്‍ ഗുരുവിന്റെ വീട്ടില്‍ താമസിച്ചു പഠിച്ചിരുന്നു. പന്ത്രണ്ടു വര്‍ഷക്കാലം നിലനിന്നിരുന്ന വിദ്യാഭ്യാസം. ഗുരുവിനെ സ്വന്തം പിതാവിനെപോലെയും ദൈവത്തെ പോലെയും കരുതണം. സ്വഭാവമഹിമ ഉള്ളവരെ മാത്രമെ ഗുരുവിന്റെ വീട്ടില്‍ പ്രവേശിപ്പിക്കൂ. ശ്രവണം, മനനം, നിദിധ്യാസനം എന്നീ മൂന്നു ഘട്ടങ്ങളിലൂടെയായിരുന്നു വിദ്യാഭ്യാസം.
ഉപനയന ചടങ്ങ് -- ഗുരുകുലത്തില്‍ പ്രവേശനം നല്‍കും മുമ്പ് നടക്കുന്ന ചടങ്ങ്. ബ്രാഹ്മണര്‍ക്ക് 8 വയസ്സിലും, ക്ഷത്രിയര്‍ക്ക് 11 വയസ്സിലും, വൈശ്യര്‍ക്ക് 12 വയസ്സിലും നടക്കുന്നു.
ബ്രഹ്മചര്യം -- ഗുരുകുലത്തില്‍ അവിവാഹിതര്‍ക്ക് മാത്രമായിരുന്നു പ്രവേശനം. സുഗന്ധദ്രവ്യങ്ങളോ സൗന്ദര്യവര്‍ദ്ധകവസ്തുക്കളോ ലഹരി പദാര്‍ത്ഥങ്ങളോ ഉപയോഗിക്കാന്‍ പാടില്ല.
ഭിക്ഷാടനം -- സ്വന്തം ഭക്ഷണവും ഗുരുവിനുള്ള ഭക്ഷണവും സമ്പാദിക്കേണ്ട ചുമതല ശിഷ്യന്‍മാര്‍ക്കാണ്, ഇതിനായി രാവിലെയും വൈകിട്ടും ഭിക്ഷാടനം നടത്തി. ഇത് താഴ്മയും സഹിഷ്ണുതയും വളര്‍ത്താന്‍ സഹായിച്ചു.
അധ്യാപക വിദ്യാര്‍ത്ഥി ബന്ധം -- ഗുരുകുലം ശുചിയായി സൂക്ഷിക്കുക, പശുക്കളെ മേയ്ക്കുക, വെള്ളം കോരുക, വിറകുശേഖരിക്കുക ഇവയാണ് വിദ്യാര്‍ത്ഥിയുടെ ജോലികള്‍. അധ്യാപനം നടത്തുക, ജീവിതസൗകര്യം ഒരുക്കുക, വൈദ്യസഹായം വിദ്യാര്‍ത്ഥികള്‍ക്കു നല്‍കുകയാണ് അധ്യാപകന്റെ ധര്‍മ്മം. ബ്രാഹ്മണര്‍ക്ക് വേദങ്ങളും, ക്ഷത്രിയര്‍ക്ക് അസ്ത്രവിദ്യ വാള്‍പയറ്റ് അശ്വവിദ്യ എന്നിവയും, വൈശ്യര്‍ക്ക് കൃഷി വാണിജ്യം തുടങ്ങിയവയും പഠിപ്പിച്ചു.
ബ്രാഹ്മണര്‍,ക്ഷത്രിയര്‍, വൈശ്യര്‍ എന്നിവരെ ദ്വിജന്മാരെന്നു വിളിച്ചിരുന്നു. രണ്ടുപ്രാവശ്യം ജനിച്ചവന്‍ എന്നാണിതിനര്‍ത്ഥം. ആദ്യ ജന്മം ഭൗതീകമായും രണ്ടാം ജന്മം ഉപനയനത്തിനുശേഷവും.
No comments:
Post a Comment